ماہنامہ مجلہ ” قلم ” نیپالی کی تقریب رسم اجراء اختتام پزیر
بتاریخ 09/دسمبر 2023 بروز سنیچر بعد نمازِ عشاء دوحہ کے کومیلا ہوٹل میں مجلہ ماہنامہ قلم بزبان نیپالی کی تقریب رسم اجراء کا انعقاد عمل میں آیا، جس کی صدارت ملک نیپال سے قطر تشریف لائے ہوئے بزرگ عالم دین ڈاکٹر سعید احمد اثری-حفظہ اللہ – مہتمم جامعہ خدیجۃ الکبری للبنات جھنڈا نگر نیپال نے فرمائی جبکہ نظامت کے فرائض سرپرست مجلہ مولانا افضال احمد شمیم سلفی حفظہ اللہ نے انجام دیئے۔
مجلس کا آغاز مجلہ کے رکن اور مرکز قطر الثقافی (الفنار) کے داعی و مترجم حافظ و مولانا شمس الدین مدنی حفظہ اللہ کی تلاوت قرآن کریم سے ہوا۔
بعد ازاں باضابطہ پروگرام کا آغاز ہوا، سب سے پہلے سرپرست مجلہ مولانا افضال احمد شمیم سلفی حفظہ اللہ نے مختصر استقبالیہ کلمات پیش کیا، اس کے بعد مولانا اشفاق احمد مدنی داعیہ و مترجم مرکز قطر الثقافی (الفنار)، مولانا محمد شریف تیمی مدیر مسؤول مجلہ ماہنامہ قلم نیپالی، مولانا عبد الحئی مدنی بھنگہیا، مولانا صفی اللہ انصاری، مترجم وزارۃ داخلیہ قطر و مدیر مجلہ ماہنامہ القلم اردو، مولانا شمس الدین مدنی داعیہ و مترجم مرکز قطر الثقافی (الفنار)، مولانا محمد قاسم راعین مدیر ھفت روزہ صدائے عام اردو، مولانا عبد الواحد اثر انصاری معاون مدیر مجلہ ماہنامہ القلم اردو حفظہم اللہ نے علی الترتیب اپنے گرانقدر تاثرات نوازا،
اخیر میں صدر مجلس جناب ڈاکٹر سعید احمد اثری حفظہ اللہ مہتمم جامعہ خدیجۃ الکبری للبنات جھنڈا نگر نیپال نے مختصر صدارتی کلمات کے بعد ناظم پروگرام نے تمام شرکائے مجلس کا شکریہ ادا کرتے ہوئے پروگرام کے اختتام کا اعلان کیا۔
اس کے بعد تمام شرکاء مجلس کو پر تکلف عشائیہ پیش کیا گیا ۔
پروگرام میں مذکورہ بالا علمائے کرام کے علاوہ مولانا حقیق اللہ فیضی، مولانا محمد ہارون فیضی نائب مدیر مجلہ ماہنامہ قلم نیپالی، مولانا تبارک علی سلفی، مولانا انعام اللہ سلفی مترجم وزارۃ داخلیہ قطر ، مولانا مجیب الرحمن سنابلی، مولانا عبد الحئی عالیاوی، مولانا محمد حسین فیضی، حافظ محی الدین سنابلی، مولانا محمد احتشام فیضی، ماسٹر محمد قاسم اور انجینئر حسان نور نے شرکت فرمائی۔
NEPAL URDU TIMES نیپال اردو ٹائمز 