ترشولی دریا میں بہہ جانے والی بسوں کا کوئی سراغ نہیں، مقناطیس کے ذریعہ ڈھونڈھاجارہاہے
واٹر ڈرون ،ڈرون ،غوطہ خور ٹیم کے علاوہ دیگر دستیاب آلات بھی مہم کا حصہ

چتون، 14جون۔ ابوسعید محمدھارون انصاری (نیپال اردو ٹائمز)

جمعہ کو ترشولی ندی میں لینڈ سلائیڈنگ کی وجہ سے دو بسوں کے یکے دیگرے گر جانے کے بعد مختلف تدابیر اپنانے کے باوجود بسوں کا کوئی سراغ نہیں لگ پایا اسی وجہ سے اب آج بڑے بڑے میگنٹ کے ذریعہ بسوں کو ڈھونڈا جائےگا۔
ضلع انتظامیہ کے دفتر چتون نے ایک نوٹس شائع کیا ہے اور بتایا ہے کہ دیگر کوششوں کے ذریعے بسوں کا کوئی سراغ نہ ملنے کے بعد اب  مقناطیس استعمال کیا جائے گا۔ اسسٹنٹ چیف ڈسٹرکٹ آفیسر کھیمانند بھوسال نے بتایا کہ اب ایک بڑے مقناطیس کی مدد سے ان کی تلاش کی جائے گی۔

چیف ڈسٹرکٹ آفیسر اندردیو یادو نے بتایا کہ تلاشی ہفتہ کی صبح آٹھ بجے سے چلائی گئی تھی اور اتوار کی صبح سات بجے سے ترشولی ندی پر تلاشی مہم چلائی جائے گی۔ نیپالی فوج، مسلح پولیس کی ریسکیو ٹیم تلاش میں مصروف ہے۔

اسسٹنٹ چیف ڈسٹرکٹ آفیسر بھوسال نے بتایا کہ واقعہ کے تین دن بعد انہوں نے بانس کے کھمبوں، لنگر کے کانٹے، غوطہ خوروں، ڈرونز، واٹر ڈرونز،  دوربینوں کی مدد سے اس جگہ کے ارد گرد تلاش کی  جہاں بس لینڈ سلائیڈنگ کی وجہ سے گری، تاہم بس نہیں ملی، بڑے مقناطیس کی مدد سے تلاش کرنے جا رہے تھے۔

دریا میں لاپتہ ہونے والوں کے لواحقین کی جانب سے  دباؤ ڈالنے کے بعد انتظامیہ نے مزید کوششیں کی ہیں ، چیف ڈسٹرکٹ آفیسر اندردیو یادو نے کہاہم نے نیپال میں تمام دستیاب طریقوں کو آزمایا ہے،” ۔ ان کا کہنا ہے کہ انہوں نے بنگلہ دیش سے غوطہ خور لانے کی کوشش میں ہیں۔
اسی طرح انتظامیہ کے دفتر نے کہا کہ نارائنی ندی کے ساحلی علاقے کو راف بوٹ اور پیدل کے ذریعے تلاش کیا جائے گا، اور بھرت پور میونسپل کارپوریشن کے تعاون سے جائے حادثہ سے گولاگھاٹ تک تلاشی کے لیے فضائی ڈرون کا استعمال کیا جائے گا۔ انتظامیہ نے کہا ہے کہ تلاش اور بچاؤ کے لیے ہر طرح کی کوششیں جاری ہیں۔

جمعہ کی صبح باگمتی صوبہ 03-006 بی ایچ 1516 اینجل ڈیلکس بس بیر گنج سے کھٹمنڈو جانے والی اور باگمتی ڈیلکس بس نمبر 032495 بی ایچ 001 جو کھٹمنڈو سے روٹہٹ کے گوڑ جا رہی تھی مغلن نارائڈنگ سیکشن پر مٹی کے تودے کی زد میں آگئیں اور لاپتہ ہوگئیں۔ .

ٹکٹ کاؤنٹر کی تفصیلات کے مطابق بیر گنج سے کھٹمنڈو جانے والی بس میں سات ہندوستانی شہریوں سمیت 24 مسافر اور کھٹمنڈو سے روٹہٹ جانے والی بس میں 27 مسافر سوار ہیں۔ لیکن اندازہ لگایا گیا ہے کہ سڑک کے درمیان سے زیادہ مسافر سوار ہوئے جب کہ یہ بسیں لینڈ سلائیڈنگ میں بہہ گئیں، تین مسافر بچ نکلنے میں کامیاب ہو گئے، جبکہ باقی مسافر دریا میں غائب ہو گئے۔

لاپتہ افراد میں بھارتی شہری رشی پال ساہ، کھٹمنڈو سے گوڑ جانے والی بس کا مسافر ہے، جس کی لاش ہفتہ کی صبح بھرت پور میٹروپولیٹن سٹی کے 28 گولا گھاٹ پر دریائے نارائنی سے ملی، پولیس نے بتایا۔

ہفتے کی سہ پہر، نوال پراسی ایسٹ کے گینڈاکوٹ میونسپلٹی-7 میں واقع نارائنی ساحل پر دو افراد کی لاشیں ملی تھیں۔ خیال کیا جا رہا ہے کہ وہ اسی حادثے میں لاپتہ ہونے والے مسافر ہو سکتے ہیں۔ لاش کی شناخت ظاہر نہیں کی گئی ہے۔