انعام اللہ محمد شفیق المدنی
                            مدرس جمعية التوحيد الخيرية بجوا نيبال

اسلام کے پانچ بنیادی ارکان میں شامل حج ہر صاحب استطاعت مسلمان پر زندگی میں ایک بار فرض ہے۔ ہر سال لاکھوں مسلمان دنیا بھر سے بیت اللہ شریف کی طرف رخ کرتے ہیں۔ اس قدر بڑے اجتماع کو کامیابی سے منظم کرنا ہمیشہ ایک چیلنج رہا ہے۔ تاہم حالیہ برسوں میں سعودی عرب کی حکومت نے حج کے انتظامات میں جدید ٹیکنالوجی کا استعمال شروع کیا ہے۔ حج 2025 اس حوالے سے ایک نمایاں مثال کے طور پر سامنے آیا ہے۔

انتظامی تدابیر
حج 2025 میں سعودی حکومت نے حج اسمارٹ کارڈ متعارف کرایا جو عازمین کی شناخت، رہائش، ٹرانسپورٹ اور طبی سہولیات سے منسلک تھا۔
مرکزی نگرانی کے لیے کمانڈ اینڈ کنٹرول سینٹر قائم کیا گیا جو مسلسل نگرانی کرتا رہا۔

صحت عامہ کے جدید اقدامات
موبائل اسپتال اور ٹیلی میڈیسن یونٹ فعال کیے گئے۔
کورونا سمیت دیگر متعدی امراض کی روک تھام کے لیے AI ہر مبنی تشخیصی نظام استعمال ہوا۔
ویکسینیشن اور صحت کی جانچ کے لیے پیشگی ڈیجیٹل نظام اپنایا گیا۔

سیکیورٹی و بھیڑ کا نظم
چہرہ شناسی (Facial Recognition) کے نظام نے گمشدہ افراد کی شناخت میں اہم کردار ادا کیا۔
ڈرونز اور سینسرز کے ذریعے رش اور نقل و حرکت پر مسلسل نظر رکھی گئی۔
ہنگامی صورتحال کے لیے ریسکیو ٹیمیں ہر مقام پر موجود رہیں۔

ٹرانسپورٹ و رہائش
جدید میٹرو سسٹم اور خودکار بس سروس کے ذریعے لاکھوں عازمین کی محفوظ نقل و حرکت ممکن ہوئی۔
خیمہ بستیوں میں اسمارٹ کولنگ سسٹم اور جدید سہولیات فراہم کی گئیں۔

روحانی اور سماجی اثرات
عازمین نے روحانی اطمینان کا اظہار کیا اور حج انتظامیہ کے حسنِ انتظام کی تعریف کی۔
جدید سہولتوں کے باعث عبادات میں خلل کم سے کم ہوا اور تمام مناسک بروقت اور سہولت سے ادا کیے گئے۔

یہ تحقیق ظاہر کرتی ہے کہ حج جیسے عظیم اجتماع کو منظم کرنے کے لیے محض انتظامی صلاحیت کافی نہیں بلکہ جدید وسائل اور ٹیکنالوجی کی شمولیت ناگزیر ہو چکی ہے۔ ٹیکنالوجی نے انسانی غلطیوں، ہجوم کے دباؤ، اور بیماریوں کے پھیلاؤ جیسے خطرات کو کم کر دیا ہے۔

اللہ تعالیٰ کے فضل و کرم سے 2025 کا حج نہایت کامیابی، امن و امان اور حسنِ انتظام کے ساتھ مکمل ہو گیا۔ دنیا بھر سے آئے لاکھوں فرزندانِ توحید نے مناسکِ حج کی ادائیگی کی اور حج کے تمام مراحل بخوبی اور سہولت کے ساتھ مکمل کیے۔
اس عظیم کامیابی پر ہم سب  خادم الحرمین الشریفین شاہ سلمان بن عبدالعزیز آل سعود اور ولی عہد محمد بن سلمان کو دلی مبارکباد پیش کرتے ہیں۔ مختلف اسلامی ممالک کے حکمرانوں،  سعودی حکومت کی شب و روز کی محنت، بہترین انتظامات اور شاندار سہولیات پر اظہارِ تشکر کیا۔
مذہبی شخصیات، تنظیموں  اور حجاج کرام نے سعودی حکومت کے جذبۂ خدمت کو سراہتے ہوئے کہا کہ خادم الحرمین الشریفین اور ولی عہد کی قیادت میں حج کے انتظامات ہر سال مزید بہتر اور شاندار ہوتے جا رہے ہیں۔
اللہ تعالیٰ خادم الحرمین الشریفین کی صحت، سلامتی اور عمر میں برکت عطا فرمائے اور انہیں دین اسلام اور امت مسلمہ کی خدمت کی مزید توفیق عطا فرمائے۔
آمین۔